Թուրքիայում «Հայկական հարցի» մասին 7 մասանոց վավերագրական ֆիլմաշար են պատրաստել
Թուրքիայի պատմագիտական ընկերությունը պատրաստել է «Հայկական հարցին» նվիրված յոթ մասից բաղկացած վավերագրական ֆիլմաշար, հայտնում է ermenihaber.am-ը։
Ֆիլմաշարը ներկայացվում է հինգ լեզվով՝ թուրքերեն, անգլերեն, գերմաներեն, ֆրանսերեն և իսպաներեն։
Ընկերության հաղորդագրության համաձայն՝ այն պատրաստվել է «Հայերի ապստամբությունն Օսմանյան կայսրության դեմ, ահաբեկչություն և քարոզչություն» խորագրով։ Հայտարարված նպատակը տեղական և միջազգային հանրությանը թեմայի վերաբերյալ տեղեկություններ տրամադրելն է։
Ֆիլմաշարի յոթ մասերն են՝
▪️ «1915․ ահաբեկչություն և ապստամբություն» ▪️ «1915․ տեղահանություն և վերաբնակեցում» ▪️ «Սփյուռք, դիվանագիտություն և քարոզչություն» ▪️ «ԱՍԱԼԱ․ կրակ և արյուն» ▪️ «Կեղծ փաստաթղթեր և իրականություն» ▪️ «Անժամանակ դիվանագիտություն» ▪️ «Առաջին կրակոցը․ 1915-ին մահմեդական բնակչության նկատմամբ իրականացված բռնությունները»։
Ըստ ermenihaber.am-ի՝ ֆիլմաշարը պատրաստվել է Հայոց ցեղասպանության ժխտման՝ Թուրքիայի պաշտոնական քաղաքականության համատեքստում։
#Թուրքիա #ՀայկականՀարց #ՀայոցՑեղասպանություն #ՑեղասպանությանԺխտում #Պատմություն #Քարոզչություն #ՎավերագրականՖիլմ
@ARARMEDIA
ՄԵԿՆԱԲԱՆՈՒԹՅՈՒՆՆԵՐ
0