Թուրքիայում ուժգին երկրաշարժ է գրանցվել. կան վիրավորներ

Հոկտեմբերի 27-ին Թուրքիայի հյուսիսարևտմյան հատվածում գտնվող Բալըքեսիր նահանգի Սընդըրգը շրջանում 6.1 մագնիտուդ ուժգնությամբ երկրաշարժ է տեղի ունեցել:

Շուրջ 6 կմ խորության վրա գրանցված երկրաշարժը զգացվել է նաև Իզմիր, Բուրսա, Ստամբուլ, Թեքիրդաղ, Քոջաէլի, Սաքարյա և Մարմարա ու Էգեյան ծովերին հարող մի շարք այլ նահանգներում:

Ըստ նախնական տվյալների` փլուզվել է 4 շենք և 1 խանութ: Անվտանգության նկատառումներից ելնելով Բալըքեսիրում դպրոցներին հարկադիր արձակուրդ է հայտարարվել:

Թուրքիայի առողջապահության նախարարությունն անդրադառնալով ուժգին ցնումներին, հայտնել է 19 վիրավորի մասին, որից 4-ն արդեն դուրս են գրվել: