Թուրքիայի մաքսային համակարգում արդեն ներդրվել է Հայաստանի պաշտոնական կոդը։
Թուրքական իշխանամետ Sabah պարբերականի տեղեկացմամբ՝ Թուրքիան, հայ-թուրքական հարաբերությունների կարգավորման գործընթացի շրջանակում, տեխնիկական փոփոխություններ է կատարել իր մաքսային համակարգում (BILGE)։
Այսուհետ Հայաստանի հետ երրորդ երկրների միջոցով իրականացվող ներմուծման, արտահանման և տարանցման մաքսային հայտարարագրերում կարող է կիրառվել Հայաստանի պաշտոնական «077» կոդը։
Փոփոխությունների շնորհիվ հնարավոր կլինի նաև Թուրքիայից երրորդ երկիր, այնուհետև Հայաստան ուղարկվող ապրանքների վերջնական նշանակման կամ ծագման երկիրը նշել որպես «Հայաստան/Թուրքիա»։
Աղբյուրի համաձայն՝ ներկայումս Թուրքիայի և Հայաստանի միջև ապրանքաշրջանառությունը կազմում է մոտ 335–350 միլիոն դոլար, իսկ կարճաժամկետ նպատակն այն հասցնել 1 միլիարդ դոլարի։
#Հայաստան #Թուրքիա #ՄաքսայինՀամակարգ #Առևտուր #Տնտեսություն #BILGE #Ararmedia
@ARARMEDIA