Իտալիայի Լեչե նահանգում 57-ամյա տղամարդը դեն է նետել տուփը, որի մեջ կար 20 ոսկե ձուլակտոր։

Դեպքը տեղի է ունեցել Տոռե Լապիլլո քաղաքում։ Տղամարդը սխալմամբ ոսկե ձուլակտորներով տուփը դրել է աղբամանի մեջ՝ կենցաղային աղբի հետ միասին։ Ձուլակտորների ընդհանուր արժեքը կազմել է մոտավորապես 120,000 եվրո։

Հաջորդ օրը, հասկանալով, թե ինչ է արել, նա դիմել է ոստիկանությանը։ Ոստիկանությունը դիտել է տեսախցիկների տեսագրությունները, հաստատել տղամարդու վկայությունը և պարզել, որ աղբն արդեն տեղափոխվել է հարևան Ուջենտո քաղաքի աղբավայր։ Աղբավայրում որոնողական աշխատանքներ են սկսվել։ Բոլոր 20 ձուլակտորները պարունակող տուփը, ի վերջո, գտնվել է և վերադարձվել տիրոջը։