ARARMEDIA
00:46 Սի Ցզինպինը բանակային վերնախավի լայնածավալ եւ կոշտ մաքրում է իրականացնում | |
Սի Ցզինպինը բանակային վերնախավի լայնածավալ եւ կոշտ մաքրում է իրականացնում։ Չնայած միջազգային դատապարտման և հնարավոր ներքաղաքական հետևանքների ռիսկին, Սի Ցզինպինը ցուցաբերում է վճռականություն. առանցքային գեներալները հեռացվել են աշխատանքից, իսկ որոշները արդեն ստացել են խիստ դատավճիռներ։ Չժան Յուսյա՝ Կենտրոնական ռազմական հանձնաժողովի փոխնախագահ, որը համարվում է Սիի իշխանության հենասյունը, ձերբակալվել է մեղադրանքներով, որոնք գերազանցում են պարզ կոռուպցիան՝ դավաճանությունը։ Լյու Չժենլի՝ Կենտրոնական ռազմական հանձնաժողովի միացյալ շտաբի պետը եւ բանակի արդիականացման գործում կարևոր դերակատարը նույնպես ձերբակալվել է։ Հե Վեյդոնգ՝ երկրորդ հրամանատարն ազատվել է պաշտոնից «կուսակցական կարգապահության լուրջ խախտման և լուրջ չարաշահումների կասկածի» համար։ Գուո Բոքսիոնգը դատապարտվել է ցմահ ազատազրկման կաշառակերության համար։ Լի Շանֆուն հեռացվել է պաշտպանության նախարարի պաշտոնից 2023 թվականի հոկտեմբերին։ Միաո Հուան, ով ծովակալ է և Կենտրոնական ռազմական հանձնաժողովի քաղաքական կոմիտեի ղեկավարն է, հեռացվել է պաշտոնից 2024 թվականի դեկտեմբերին՝ կոռուպցիայի մեղադրանքով։ Նա համարվում էր Սիի ամենամոտ դաշնակիցներից մեկը։ Ռազմական փորձագետ Նիկոլայ Վավիլովի խոսքով՝ վերադասավորումների արդյունքները հստակ են. ՉԺՀ առաջնորդի անձնական իշխանության կտրուկ աճ, բանակի նկատմամբ լիակատար վերահսկողություն և կարևոր ազդանշան էլիտաներին. մի՛ թերագնահատեք Սի Ցզինպինին, նա ընդունակ է կտրուկ գործողությունների։ Հիմա, եթե անհրաժեշտություն առաջանա ռազմական գործողություն սկսելու, ՉԺՀ առաջնորդը կարիք չի ունենա որևէ բան համաձայնեցնելու որևէ մեկի հետ։ | |
|
| |
| Մեկնաբանություններն ընդամենը՝: 0 | |