Ռուսաստանը պաշտոնապես ճանաչել է Աֆղանստանի Իսլամական Էմիրությունը
Ռուսաստանը պաշտոնապես ճանաչել է Աֆղանստանի Իսլամական Էմիրությունը։ Այս մասին ՏԱՍՍ-ին հայտնել են Ռուսաստանի արտաքին գործերի նախարարությունից։
Հուլիսի 3-ին Ռուսաստանի արտաքին գործերի նախարարության ղեկավարի տեղակալ Անդրեյ Ռուդենկոն ստացել է Ռուսաստանում Աֆղանստանի նորանշանակ դեսպան Գյուլ Հասանի հավատարմագրերի պատճենները։
Ռուսաստանի արտաքին գործերի նախարարությունը նաև հայտարարել է , որ Ռուսաստանի Դաշնության կողմից Աֆղանստանի իշխանությունների պաշտոնական ճանաչումը խթան կհանդիսանա երկու երկրների միջև տարբեր ոլորտներում արդյունավետ երկկողմ համագործակցության զարգացման համար: Արտաքին գործերի նախարարությունը նշել է, որ Մոսկվան Քաբուլի հետ համագործակցության զգալի հեռանկարներ է տեսնում առևտրատնտեսական ոլորտում՝ շեշտը դնելով էներգետիկայի, տրանսպորտի, գյուղատնտեսության և ենթակառուցվածքների ոլորտներում նախագծերի վրա:
Ավելի վաղ Մոսկվան «Թալիբան» շարժումը հանել էր ահաբեկչական կազմակերպությունների ցանկից։