Ռուսաստանի նախագահ Վլադիմիր Պուտինը Կրեմլում անցկացրել է խորհրդակցություն՝ նվիրված նավթի և գազի համաշխարհային շուկայի իրավիճակին։
Նրա խոսքով՝ վերջին շաբաթվա ընթացքում նավթի համաշխարհային գները աճել են մոտ 30%-ով։
Պուտինը հայտարարել է, որ Հորմուզի նեղուցից կախված նավթի արդյունահանումը կարող է ամբողջությամբ դադարել արդեն առաջիկա մեկ ամսվա ընթացքում։
Նա ընդգծել է, որ Ռուսաստանը բազմիցս զգուշացրել էր, որ Մերձավոր Արևելքում իրավիճակի ապակայունացումը կարող է խաթարել համաշխարհային էներգետիկ համակարգը։
Ռուսաստանի նախագահը նշել է նաև, որ Ռուսաստանը մեծացնում է էներգակիրների մատակարարումները իր վստահելի գործընկերներին աշխարհի տարբեր տարածաշրջաններում։
Մասնավորապես, նավթի և գազի մատակարարումները կշարունակվեն նաև Արևելյան Եվրոպայի երկրներին՝ Հունգարիային և Սլովակիային։
Պուտինի խոսքով՝ Ռուսաստանը չպետք է սպասի, մինչև Եվրոպան «ցուցադրականորեն փակվի» ռուսական էներգակիրների համար, այլ պետք է մատակարարումների ծավալները ուղղի այլ շուկաներ։
Նա նաև նշել է, որ էներգակիրների մատակարարումների խափանումները արդեն նպաստում են համաշխարհային գնաճի աճին և բացասաբար ազդում արդյունաբերական արտադրության վրա։
Վերջում Պուտինը ընդգծել է, որ ռուսական էներգետիկ ընկերությունները միշտ առանձնացել են կայունությամբ։
ՄԵԿՆԱԲԱՆՈՒԹՅՈՒՆՆԵՐ
0