Պատրաստվե՛ք պատերազմի․ գերտերությունների առաջնորդները խոսում են միջուկային փորձարկումների մասին
ԱՄՆ նախագահ Դոնալդ Թրամփի՝ նախկին ազգային անվտանգության խորհրդական, գեներալ Մայքլ Ֆլինը Սպիտակ տան ղեկավարի միջուկային փորձարկումների վերաբերյալ արված արտահայտություններից հետո հայտարարել է, որ պատերազմն անխուսափելի է։
«Քաղաքականության և նպատակների փոփոխությունները կարող են հանգեցնել պատերազմի բնույթի և վարման փոփոխությունների։ Եվ երբ քաղաքական նպատակները դառնում են ավելի սահմանափակ և աներևակայելի, պատերազմը դառնում է անխուսափելի։ Ամուր կապեք ձեր կոշիկները, զինվորականնե՛ր», – Х սոցիալական հարթակի իր էջում գրել է Ֆլինը։
Երեկ երեկոյան ամերիկացի առաջնորդը հայտարարել է, որ հրամայել է միջուկային զենքի փորձարկումներ անցկացնել «հավասար հիմունքներով» այլ երկրների հետ, որոնք ենթադրաբար ունեն նման ծրագրեր։ Նա նշել է, որ ԱՄՆ-ն ունի միջուկային զենքի փորձարկման կայաններ, և փորձարկումների մանրամասները կհայտարարվեն ավելի ուշ։ Ավելի վաղ ՌԴ նախագահ Վլադիմիր Պուտինը հայտարարել էր, Ռուսաստանը տեղյակ է, որ որոշ երկրներ պատրաստվում են միջուկային փորձարկումներ անցկացնել։ Եվ եթե դա տեղի ունենա, Մոսկվան նույն կերպ կպատասխանի։