Օրբանը հայտարարել է, որ Բրյուսելը Եվրոպային պատրաստում է պատերազմի
Հունգարիայի վարչապետ Վիկտոր Օրբանը Բուդապեշտում անցկացված «Խաղաղության երթի» ժամանակ հայտարարել է, որ Բրյուսելը նպատակային կերպով պատրաստում է Եվրոպական միությունը պատերազմի։ Նրա խոսքով՝ ԵՄ զինվորների հայտնվելը Ուկրաինայի տարածքում միայն ժամանակի հարց է։
Օրբանը նշել է, որ Եվրամիությունն արդեն անցել է ռազմական տնտեսության, ակտիվորեն ավելի շատ միջոցներ ներդնելով զենքի արտադրության մեջ և մեծացնելով ռազմական ներկայությունը։
«Ավելի շատ զենք, ավելի շատ գումար, ավելի շատ զինվորներ… Մենք չգիտենք, թե երբ Բրյուսելից առաջին զինվորը կքայլի ուկրաինական հողի վրա։ Բայց մենք հստակ գիտենք՝ դա տեղի կունենա»,— ասել է Հունգարիայի կառավարության ղեկավարը։
Վարչապետը ընդգծել է, որ ԵՄ քաղաքական գործիչները շարժվում են դեպի հակամարտություն և չեն փորձում խուսափել դրանից։ Օրբանի կարծիքով՝ Բրյուսելը մտել է Ուկրաինայում պատերազմի մեջ, ինչը մտահոգություն է առաջացնում հետագա էսկալացիայի վերաբերյալ։
Միաժամանակ Հունգարիայի վարչապետը հայտարարել է իր վճռականության մասին՝ պահպանել Հունգարիան որպես «անվտանգության և հանգստության կղզի» այս անհանգիստ աշխարհում։
Նա նաև նախազգուշացրել է, որ Բրյուսելը փորձում է պարտքերի մեջ գցել ոչ միայն ներկայիս եվրոպացիներին, այլ նաև նրանց երեխաներին ու թոռներին՝ Ուկրաինային աջակցելու համար։ Միևնույն ժամանակ Վիկտոր Օրբանը խոստացել է թույլ չտալ, որ այդ գործընթացում «թալանվի ։