Նշվել է Իրանի դեմ ԱՄՆ հնարավոր հարվածի նոր ամսաթիվը
ԱՄՆ‑ն կարող է հարված հասցնել Իրանին երկուշաբթի կամ երեքշաբթի օրը, հայտնել է Սպիտակ տան Bild-ի աղբյուրը։
Իրանի շուրջ է կենտրոնացված ԱՄՆ‑ի ամենաուժեղ ռազմական նավատորմը 2003 թ․ Իրաքի պատերազմի ժամանակներից ի վեր։ Մեկ այլ միջուկային ավիակիր՝ USS Gerald R. Ford-ն, արդեն գտնվում է Միջերկրական ծովում։ Նախագահ Դոնալդ Թրամփը խոսում է Իրանի միջուկային ծրագրի շուրջ բանակցությունների մասին, սակայն միաժամանակ հանդես է գալիս սպառնալիքներով։
ԱՄՆ ԿՀՎ նախկին գործակալ Ջոն Կիրիակուն պնդում է, որ ռազմական հարվածի որոշումն արդեն ընդունված է։ Վկայակոչելով Սպտակ տան իր աղբյուրին՝ նա հայտարարել է, որ հարձակումը տեղի կունենա «երկուշաբթի կամ երեքշաբթի»։
Ըստ նրա, այս հարցով Թրամփի կառավարությունում երկու ճամբար է ձևավորվել։ Հարված հասցնելուն դեմ են փոխնախագահ Ջեյ Դի Վենսը և ԱՄՆ հետախուզական ծառայությունների վերահսկողության ղեկավար Թալսի Գաբարդը։ Հարվածի կողմնակիցներն են պետքարտուղար Մարկո Ռուբիոն, պաշտպանության նախարար Փիթ Հեգսեթը, ինչպես նաև ԱՄՆ ԶՈւ Գլխավոր շտաբի պետերի միացյալ կոմիտեն, որը խորհրդատվություն է տալիս նախագահին և պաշտպանության նախարարին ռազմական հարցերում։