Մերձավոր Արևելքում էսկալացիայի երրորդ օրը․ հիմնականը
Մերձավոր Արևելքում էսկալացիայի երրորդ օրը․ հիմնականը
▪️ ԱՄՆ-ը պատրաստ է Իրանի դեմ գործողությունը վարել այնքան ժամանակ, որքան անհրաժեշտ կլինի, հայտարարել է Թրամփը։
▪️ Իրանը պատրաստ է երկարաժամկետ պաշտպանության՝ ԱՄՆ-ի և Իսրայելի հարձակումների պայմաններում, հայտարարել է երկրի ԱԳ փոխնախարարը։
▪️ ՆԱՏՕ-ն չի մասնակցելու ԱՄՆ-ի և Իսրայելի գործողությանը Իրանում, հայտնել է Ռյուտտեն։
▪️ Փետրվարի 28-ից ԱՄՆ-ի և Իսրայելի հարվածների հետևանքով զոհվել է 555 իրանցի, հաղորդել են արտակարգ ծառայությունները։
▪️ Մարտի 1-ին Իսրայելը երկու անգամ հարվածել է Նաթանզում գտնվող իրանական միջուկային օբյեկտին, հայտարարել է Իրանի փոխնախագահը՝ Գրոսիին ուղղված նամակում։
▪️ Իսրայելի ՌՕՈւ-ն և ՌԾՈւ-ն հարվածներ են հասցրել Լիբանանում «Հեզբոլլահ»-ի տասնյակ հրամանատարական կենտրոններին, հիմնականում Բեյրութի արվարձաններում, հայտնել է ՑԱՀԱԼ-ը։
▪️ Իսրայելի բանակը հայտարարել է, որ Բեյրութում ոչնչացրել է «Հեզբոլլահ»-ի հետախուզության շտաբի պետին։
▪️ Իսրայելի հարվածների հետևանքով մեկ օրվա ընթացքում Լիբանանում զոհվել է 52 մարդ, 154-ը՝ վիրավորվել, հայտնել է երկրի առողջապահության նախարարությունը։
▪️ Լիբանանը պատրաստ է վերսկսել բանակցությունները Իսրայելի հետ՝ քաղաքացիական փորձագետների մասնակցությամբ և միջազգային աջակցությամբ, հայտնել է վարչապետը։
▪️ Իրանի բանակի ՀՕՊ կենտրոնական շտաբը հայտնել է, որ Իրանի ՀՕՊ ուժերը խոցել են ԱՄՆ ՌՕՈւ-ի երեք կործանիչ։
▪️ Մերձավոր Արևելքում իրականացվող գործողության ընթացքում զոհված ամերիկացի զինծառայողների թիվը հասել է չորսի, հայտնել է ԱՄՆ ԶՈւ կենտրոնական հրամանատարությունը։
▪️ Ֆրանսիայի ԱԳ նախարարը հաստատել է ԱՄԷ-ում Ֆրանսիայի ռազմածովային բազայի խոցումը։
▪️ Իսլամական հեղափոխության պահապանների կորպուսը (ԿՍԻՐ) մահապարտ անօդաչու թռչող սարքերով հարվածել է Amazon Web Services-ի տվյալների կենտրոնին ԱՄԷ-ում, հաղորդում է իրանական Fars գործակալությունը։
▪️ Իրանի պետական հեռուստառադիոընկերության պնդմամբ՝ Բահրեյնում ամերիկյան ռազմական բազան և Իրաքի Էրբիլում ԱՄՆ հյուպատոսարանը ոչնչացվել են։