Մեդվեդևը AI-ով ստեղծված տեսաուղերձ է հրապարակել՝ ուղղված ԵՄ առաջնորդներին
Ռուսաստանի Անվտանգության խորհրդի նախագահի տեղակալ Դմիտրի Մեդվեդևը հրապարակել է արհեստական բանականության միջոցով ստեղծված տեսաուղերձ, որը հասցեագրված է եվրոպացի առաջնորդներին։ Տեսանյութը հրապարակվել է նրա պաշտոնական ալիքում։
Տեսաուղերձում Մեդվեդևը պնդել է, որ Ուկրաինայի Ստարոբելսկ քաղաքում տեղի ունեցած հարձակման համար պատասխանատվություն են կրում նաև Էմանուել Մակրոնը, Ֆրիդրիխ Մերցը, Ուրսուլա ֆոն դեր Լայենը և Քիր Սթարմերը։ Տեսանյութում նա զգուշացրել է, որ տեղի ունեցածը «դեռ միայն սկիզբն է»։
Ավելի վաղ Մեդվեդևը հայտարարել էր, որ եվրոպական երկրների մատակարարած սպառազինությունն ու հետախուզական տվյալները, ըստ Մոսկվայի, ամեն օր օգտագործվում են Ռուսաստանի դեմ իրականացվող հարվածների ընթացքում։ Նրա վերջին հրապարակումը հերթական կոշտ հայտարարությունն է Ռուսաստանի և Արևմուտքի միջև շարունակվող լարվածության ֆոնին։