Լեոնարդո Դի Կապրիոն ողջունել է Հայաստանի նախաձեռնությամբ ստեղծված միջազգային կոալիցիան

Հոլիվուդյան աստղ և բնապահպանական ակտիվիստ Լեոնարդո Դի Կապրիոն ողջունել է Հայաստանի և Կոլումբիայի նախաձեռնությամբ անհետացման վտանգի տակ գտնվող տեսակների վերականգնման միջազգային կոալիցիայի ստեղծումը։

 

Instagram-ի իր էջում դերասանը շեշտել է, որ այլևս բավարար չէ միայն կանխել կենդանիների ու բույսերի տեսակների անհետացումը․ անհրաժեշտ է նաև քայլեր ձեռնարկել դրանց թվաքանակը վերականգնելու ուղղությամբ։նհետացումը․ անհրաժեշտ է նաև վերականգնել դրանց պոպուլյացիաները։

 

Դի Կապրիոյի փոխանցմամբ՝ Հայաստանի և Կոլումբիայի գլխավորությամբ ստեղծված կոալիցիային միացել է 17 երկիր։ Բացի այդ, ինը բարեգործական հիմնադրամ և կազմակերպություն, այդ թվում՝ դերասանի Re բնապահպանական կազմակերպությունը, պարտավորվել են առաջիկա հինգ տարում ավելի քան 500 միլիոն դոլար հատկացնել վտանգված տեսակների վերականգնմանը։

 

Երևանում մեկնարկած Կենսաբազմազանության մասին կոնվենցիայի կողմերի 17-րդ համաժողովին՝ COP17-ին ընդառաջ կազմակերպված առաջնորդների գագաթնաժողովին մասնակցել են ավելի քան մեկ տասնյակ երկրների ղեկավարներ, այդ թվում՝ Իրանի նախագահ Մասուդ Փեզեշքիանը, Ղազախստանի նախագահ Կասիմ-Ժոմարտ Տոկաևը, Վրաստանի վարչապետ Իրակլի Կոբախիձեն, ինչպես նաև Կենտրոնական Ասիայի և Աֆրիկայի մի շարք երկրների առաջնորդներ։

 

Իսկ COP17 համաժողովը Երևանում կանցկացվի հոկտեմբերի 19-ից 30-ը։

 

ՄԱԿ-ի Կենսաբանական բազմազանության մասին կոնվենցիան բնապահպանական երեք գլոբալ կոնվենցիաներից մեկն է, կարգավորում է միջազգային հանրության ջանքերը շրջակա միջավայրի կենսունակության, կենսաբանական բազմազանության պահպանման, վերականգման և բնական ռեսուրսների կայուն օգտագործման ոլորտում

 

 

https://www.instagram.com/p/Dejr8xTTtzS/?rpxt=MTdteWliNGpnbHJsNA==