Իսլամաբադի բանակցություններում գլխավոր խոչընդոտը դարձել է Հորմուզի նեղուցի վերահսկողության և տարածաշրջանային անվտանգության հարցը։
🔹 «Թասնիմ»-ի փոխանցմամբ՝ Իրանի և ԱՄՆի պատվիրակությունները Իսլամաբադում նախնական փուլում հասել էին տեխնիկական համաձայնության որոշ կետերի շուրջ և անցել էին տեքստերի փոխանակման փուլ։
🔹 Սակայն բանակցությունների ամենազգայուն հատվածում՝ Հորմուզի նեղուցի անվտանգ անցանելիության, ռազմական ներկայության և տարածաշրջանային հավասարակշռության հարցերում, կողմերի դիրքորոշումները կտրուկ բախվել են։
🔹 Վաշինգտոնը, ըստ աղբյուրների, փորձում է ստանալ ավելի լայն երաշխիքներ ծովային փոխադրումների անվտանգության, նավթային հոսքերի անխափանության և իր ռազմական ներկայության սահմանափակումների բացառման հարցերում։
🔹 Թեհրանը, իր հերթին, պնդում է, որ նեղուցը հանդիսանում է իր ազգային անվտանգության առաջնային գոտին, և որևէ համաձայնություն չի կարող խաթարել երկրի պաշտպանական դիրքերը կամ նվազեցնել վերջին ռազմական դիմակայության ընթացքում ձեռք բերված ռազմավարական լծակները։
🔹 Այս փուլում բանակցությունները չեն տապալվել, սակայն գործընթացը մտել է առավել բարդ և քաղաքականապես զգայուն փուլ, որտեղ ցանկացած սխալ հաշվարկ կարող է նորից սրել լարվածությունը ամբողջ Մերձավոր Արևելքում։
#Իրան #ԱՄՆ #Իսլամաբադ #ՀորմուզիՆեղուց #Բանակցություններ #ՄերձավորԱրևելք #Գեոպոլիտիկա
@ARARMEDIA
ՄԵԿՆԱԲԱՆՈՒԹՅՈՒՆՆԵՐ
0