⚡️ Իրանում հայտարարել են չորս ահաբեկչական բջիջների գործունեության կանխման մասին։

Իրանում վնասազերծվել է չորս կազմակերպված ահաբեկչական բջիջ, որոնք, ըստ տեղեկությունների, կապված են եղել ԱՄՆ-ի և Իսրայելի հետախուզական ծառայությունների հետ։

Ինչպես հայտնում է Fars-ը՝ հղում անելով Իրանի հետախուզության նախարարությանը, գործողություններն իրականացվել են երկրի հարավ-արևելքի մի քանի քաղաքներում։

Գերատեսչության տվյալներով՝ ձերբակալվել է ահաբեկչական խմբավորումների ենթադրյալ 10 անդամ, ևս 2-ը սպանվել են զինված բախման ժամանակ։

Նշվում է, որ կասկածյալների մոտ հայտնաբերվել են գնդացիր, ինքնաձիգներ, ատրճանակներ, նռնակներ, կապի միջոցներ և մեծ քանակությամբ զինամթերք։

Իրանի հետախուզության նախարարության պնդմամբ՝ ձերբակալվածները ռազմական և դիվերսիոն պատրաստություն են անցել արտերկրում և ծրագրել էին ահաբեկչական հարձակումներ իրականացնել Իրանում։

#Իրան #ԱՄՆ #Իսրայել #Fars #Հետախուզություն #Ահաբեկչություն #ՄերձավորԱրևելք #Անվտանգություն

@ARARMEDIA