🇮🇷 Իրանում անցումային իշխանություն՝ Խամենեիի մահից հետո
🔻Իրանի Սահմանադրության 111-րդ հոդվածի համաձայն՝ «Առաջնորդի մահվան, հրաժարականի կամ իշխանությունից նրան հեռացնելու դեպքում փորձագետների խորհրդի անդամները պարտավոր են հնարավորինս շուտ նոր թեկնածու ընտրել և նշանակել Առաջնորդի պաշտոնին: Մինչ նոր Առաջնորդի նշանակումը՝ Նպատակահարմարության խորհրդի որոշմամբ երկրի Առաջնորդի բոլոր պարտավորությունները ժամանակավորապես պետք է իրականացնի խորհուրդը, որի կազմում ընդգրկվում են Նախագահը, դատական իշխանության ղեկավարը և Սահմանադրության պահապանների խորհրդի հոգևոր իրավագետներից որևէ մեկը»: 🔻Իրանի գերագույն հոգևոր առաջնորդ Այաթոլլահ Ալի Խամենեիի խորհրդական Մոհամմադ Մոխբերը նույնպես հայտնել է, որ նախագահ Մասուդ Փեզեշքիանը, դատական իշխանության ղեկավար Ղոլամ-Հոսեյն Մոհսենի Էժեին և Սահմանադրության պահապանների խորհրդի իրավաբանը պատասխանատու կլինեն անցումային շրջանի համար։
🔻Առավոտից մինչ այս պահը առկա տեղեկությունների համաձայն՝ Իրանի գերագույն հոգևոր առաջնորդ Այաթոլլահ Ալի Խամենեիի մահից հետո, Իսլամական հեղափոխության պահապանների կորպուսը սպառնացել է ծանրագույն հարվածներ հասցնել։
🔻Բացի Ալի Խամենեիից զոհվել են նաև Իրանի ԶՈւ Գլխավոր շտաբի պետ գեներալ Աբդոլռահիմ Մոսավին,
🔻Իրանի պաշտպանության նախարար գեներալ Ազիզ Նասիրզադեն,
🔻ԻՀՊԿ Գլխավոր հրամանատար գեներալ Մոհամմադ Փաքփուրը,
🔻Ալի Խամենեիի խորհրդական, պաշտպանության խորհրդի քարտուղար Ալի Շամխանին։
🔻Այս ընթացքում Իրանի ազգային անվտանգության բարձրագույն խորհրդի քարտուղար Ալի Լարիջանին հայտնել է.
«Շուտով կձևավորվի ժամանակավոր կառավարման խորհուրդ, մինչև հաջորդ ղեկավարի ընտրությունը»։