🔹 Մարտի 29-ին Ֆրանսիայում ՀՀ դեսպան Արման Խաչատրյանը հանդիպել է Նիցցայի նորընտիր քաղաքապետ Էրիկ Սիոտիին։ Հանդիպմանը մասնակցել են Նիցցայի քաղաքապետի տեղակալը, քաղաքային խորհրդի անդամներ, Նիցցայի հայկական կազմակերպությունների ներկայացուցիչներ։
Դեսպանը շնորհավորել է Էրիկ Սիոտիին քաղաքապետի պաշտոնում ընտրվելու կապակցությամբ՝ մաղթելով արդյունավետ գործունեություն։ Բարձր գնահատելով Էրիկ Սիոտիի շարունակական աջակցությունը Հայաստանին և ֆրանսահայ համայնքին` դեսպանը կարևորել է համատեղ ջանքերով հայ֊ֆրանսիական պատմական ամուր բարեկամության ամրապնդմանն ուղղված քայլերը:
Հանդիպմանն անդրադարձ է կատարվել Հայաստանի և Ֆրանսիայի միջև ապակենտրոնացված համագործակցության շրջանակներում Նիցցայի և Երևանի միջև գործընկերության զարգացման հեռանկարներին, ինչպես նաև երկկողմ հետաքրքրություն ներկայացնող մի շարք հարցերին։
Այնուհետև դեսպան Խաչատրյանը և քաղաքապետ Սիոտին մասնակցել են Նիցցայի հայկական Սուրբ Աստվածածին եկեղեցում տրված սուրբ պատարագին, ապա այցելել Պարսամյան դպրոց:
Դեսպանը հանդիպում է ունեցել նաև Նիցցայի հայ համայնքի ներկայացուցիչների հետ։
ՄԵԿՆԱԲԱՆՈՒԹՅՈՒՆՆԵՐ
0