CNN-ը հայկական լավաշը ներառել է աշխարհի 50 լավագույն հացատեսակների ցանկում։

«Երբ ձեր հայ սկեսուրը մոտենում է ձեզ՝ օղակաձև հացը ձեռքին, մի՛ զարմացեք. երկրում նորապսակների ուսերին լավաշ են դնում՝ որպես առատության ու բարգավաճման խորհրդանիշ», – գրում է լրատվամիջոցը։

Նշվում է, որ ցորենից պատրաստված լավաշի մի կտորը թոնիրում պատրաստվում է 30 վայրկյանի ընթացքում։

«Ավանդական հացը ձևավորելու նպատակով կանայք հավաքվում են՝ խոտով կամ բրդով լցված հատուկ բարձի վրա խմորը տափակեցնելու և ձգելու համար: Հմուտ ձեռքեր են պետք խմորի մեծ շերտերը կոնաձև կավե վառարանների պատերին խփելու համար», – գրում է CNN-ը՝ հավելելով, որ լավաշն այնքան կարևոր է հայկական մշակույթի համար, որ այն ընդգրկվել է ՅՈՒՆԵՍԿՕ-ի ոչ նյութական ժառանգության ցանկում։

Լավաշից բացի՝ ցանկում ներառված են նաև աֆղանական բոլանին, ավստրալական դեմփերը, բանգլադեշական լուչին, բրազիլական պանրով հացը, կանադական Մոնրեալի օղաբլիթները և այլն։