🏛️ Հայաստանում հնագետները հայտնաբերել են միջնադարյան մատուռ-դամբարան և անառիկ Երեցվանք ամրոցի հետքեր

Հայաստանի Սյունիքի մարզում ավարտվել է Կապան համայնքում գտնվող Երեցվանքի վանական համալիրի Սուրբ Ստեփանոս Նախավկա եկեղեցու հնագիտական պեղումների առաջին փուլը։

Ըստ ավանդության՝ Երեցվանքի վանական համալիրը հիմնադրել է Սյունյաց եպիսկոպոս Երիցակը՝ V դարի վերջին – VI դարի սկզբին։

Պեղումների արդյունքները հաստատել են հետազոտողների այն ենթադրությունը, որ X–XI դարերում Երեցվանքը, հավանաբար, շրջապատված է եղել կրկնակի պարիսպներով և վերածվել անառիկ ամրոցի։

XII–XIII դարերում համալիրի հյուսիսային կողմում կառուցվել է երկհարկ մատուռ-դամբարան։

Պեղումների առաջին փուլն ավարտվել է, սակայն հնագետները շարունակում են ուսումնասիրել հայտնաբերված նյութերը՝ դրանց պատմությունն ու նշանակությունը ճշտելու նպատակով։ Միաժամանակ նախապատրաստվում է համալիրի մեծ եկեղեցու վերականգնման նախագիծը, իսկ փոքր եկեղեցու վերականգնման աշխատանքները նախատեսվում է սկսել մոտ ժամանակներում։

#Հայաստան #Սյունիք #Կապան #Երեցվանք #Հնագիտություն #Պատմություն #ՄշակութայինԺառանգություն #ՀայկականԺառանգություն

@ARARMEDIA