Եվրախորհրդարանի առեվտրի հանձնա ժողովը ժամանակավորապես վերացրել է մաքսատուրքերը Հայաստանից Եվրոպա ներկրվող ապրանքների վրայից

🔴 Եվրախորհրդարանի Միջազգային առևտրի հանձնաժողովը (INTA) հավանություն է տվել Հայաստանից ԵՄ ներմուծվող մի շարք ապրանքների մաքսատուրքերի ժամանակավոր վերացման առաջարկին։

Նախաձեռնությունը պայմանավորված է Ռուսաստանի կողմից հայկական արտահանման նկատմամբ սահմանված առևտրային սահմանափակումներով։ Առաջարկը սեպտեմբերի 3-ին ընդունվել է 35 կողմ, 2 դեմ և 3 ձեռնպահ ձայներով։

Նախատեսվում է երկու տարի ժամկետով վերացնել հայկական մի շարք ապրանքների մաքսատուրքերը, ինչպես նաև առանց մաքսատուրքի ներմուծման քվոտաներ սահմանել գյուղատնտեսական ութ տեսակի արտադրանքի համար։ Դրանց թվում են խաղողը, ծիրանը, կեռասը, դեղձը և վարունգը։

Նախագիծը ներառում է նաև պաշտպանական մեխանիզմներ՝ եվրոպացի արտադրողներին հնարավոր բացասական ազդեցությունից պաշտպանելու համար։

ԵՄ-ն այս նախաձեռնությունը դիտարկում է որպես Հայաստանի տնտեսությանն աջակցելու և հայկական արտահանողների համար եվրոպական շուկա մուտքի նոր հնարավորություններ ստեղծելու ժամանակավոր միջոց։

Հաջորդ քվեարկությունը նախատեսվում է Եվրախորհրդարանի սեպտեմբերյան լիագումար նիստում՝ Ստրասբուրգում։ Եվրախորհրդարանի հաստատումից հետո անհրաժեշտ կլինի նաև ԵՄ խորհրդի պաշտոնական հաստատումը։

#Հայաստան #Եվրամիություն #Եվրախորհրդարան #ԵՄ #Առևտուր #Արտահանում #Մաքսատուրք #ՀայկականԱրտադրանք #Տնտեսություն #Գյուղատնտեսություն #Ռուսաստան #Եվրոպա #Armenia #EU #Trade

@ARARMEDIA