ԵՄ-ն 890 միլիոն եվրոյի տուգանք է սահմանել Google-ի նկատմամբ
Եվրահանձնաժողովի որոշմամբ՝ Google-ը տուգանվել է 890 միլիոն եվրոյով (մոտ 1 միլիարդ դոլար)՝ «Թվային շուկաների մասին» օրենքը (DMA) խախտելու համար:
Ըստ հանձնաժողովի՝ ամերիկյան կորպորացիան Google Play խանութն ու Google Search որոնողական համակարգն այնպես է կարգավորել, որ սահմանափակել է մշակողներին՝ սպառողներին ուղղորդելով դեպի սեփական ծառայություններն ու հավելվածները և վնաս հասցնելով մրցակիցներին։
AP գործակալությունը նշում է, որ այս քայլը ևս մեկ անգամ հաստատում է ԵՄ-ի դիրքը որպես համաշխարհային առաջատար՝ տեխնոլոգիական հսկաների գործունեության կարգավորման հարցում։
Բացի այդ, հիշեցնենք, որ հուլիսի 2-ին Լյուքսեմբուրգում ԵՄ դատարանը մերժել էր Google-ի բողոքարկումը՝ ուժի մեջ թողնելով դեռևս 8 տարի առաջ նշանակված 4,125 միլիարդ եվրոյի հսկայական հակամոնոպոլ տուգանքը: