Բրիտանիան վերացնում է Հայաստանի և Ադրբեջանի նկատմամբ զենքի մատակարարման էմբարգոն
Մեծ Բրիտանիայի Պետնախարար Սթիվեն Դաութիի հայտարարության մեջ նշված է, որ հաշվի առնելով Հայաստանի և Ադրբեջանի միջև առաջընթացը, խաղաղությանն ուղղված շարունակական ջանքերին աջակցելու համար Բրիտանիան որոշել է Հայաստանի և Ադրբեջանի հետ բարձրացնել իր երկկողմ հարաբերությունները՝ դրանք հասցնելով ռազմավարական գործընկերության։ Ըստ Լոնդոնի՝ այս որոշմամբ Միացյալ Թագավորությունը նաև աջակցում է երկու երկրների ինքնիշխանության ու տարածքային ամբողջականության պահպանմանը «հիբրիդային սպառնալիքներից»։
Հայաստան և Ադրբեջան արտահանման և առևտրի լիցենզիաների հայտերը, սակայն, կշարունակեն գնահատվել անհատական հետազոտության հիման վրա՝ Մեծ Բրիտանիայի ռազմավարական արտահանման լիցենզավորման չափանիշներին համապատասխան:
«Մենք ուշադիր կհետևենք տարածաշրջանի և ներպետական անվտանգության իրավիճակին երկու երկրներում», - շեշտել է պետնախարարը՝ հույս հայտնելով, որ վաշինգտոնյան պայմանավորվածություններով իսկապես սկիզբ է դրվում Հարավային Կովկասում խաղաղությանը: