Արցախի նախագահը դատական քայլեր է ձեռնարկում «Հայաստանի պատմություն» դասագրքի հեղինակների դեմ

Արցախի Հանրապետության նախագահ Սամվել Շահրամանյանի անունից նախատեսվում է դիմել դատական պաշտպանության՝ ընդդեմ 9-րդ դասարանի «Հայաստանի պատմություն» դասագրքի հեղինակների, Կրթության, գիտության, մշակույթի և սպորտի նախարարության, ինչպես նաև պատասխանատու այլ անձանց. տեղեկացնում է փաստաբան Ռոման Երիցյանը:

Նրա խոսքով, նախագահը պահանջելու է հերքել իր վերաբերյալ դասագրքում տեղ գտած՝ զրպարտչական տեղեկությունները:

«Մենք վճռական ենք պայքարելու պատմության խեղաթյուրումների և նոր սերնդին մոլորեցնելու բոլոր փորձերի դեմ», – ընդգծել է փաստաբանը:

Այս քայլը նախաձեռնել է Արցախի նախագահը՝ պաշտպանելու իր հեղինակությունը և վստահություն ստեղծելու նոր սերնդի պատմական գիտելիքների հանդեպ: