ԱՄՆ-ը դիմել է Ռուսաստանին՝ չփոխանցել Իրանին հետախուզական տվյալներ
ԱՄՆ նախագահի հատուկ ներկայացուցիչ Սթիվեն Ուիթքոֆը հայտարարել է, որ դիմել է ռուսական կողմին՝ խնդրելով չփոխանցել Թեհրանին հետախուզական տեղեկատվություն Իրանի դեմ շարունակվող ռազմական գործողության պայմաններում։
«Ես դա շատ հստակ հայտարարել եմ», — ասել է Ուիթքոֆը՝ պատասխանելով լրագրողի հարցին նախագահական ինքնաթիռում այն մասին, թե արդյոք նա կապ հաստատե՞լ է Մոսկվայի հետ՝ կոչ անելով չկիսվել Իրանի հետ հնարավոր թիրախների վերաբերյալ տվյալներով կամ այլ աջակցությամբ։
Այն հարցին, թե արդյոք ԱՄՆ-ը ունի՞ ապացույցներ, որ Ռուսաստանը նման տեղեկատվություն փոխանցում է Թեհրանին, նրա կողքին գտնվող ԱՄՆ նախագահ Դոնալդ Թրամփը պատասխանել է.
«Մենք դա չգիտենք»։
«Եթե նրանք (Իրանը) նույնիսկ ստանում են այդ տեղեկատվությունը, դա նրանց առանձնապես չի օգնում», — հավելել է Թրամփը։
ՄԵԿՆԱԲԱՆՈՒԹՅՈՒՆՆԵՐ
0